Точка

Тэматыка:	Гістарычная і гістарычныя персоны
Тэхніка:	Роспіс
Аб'ект:	Кінатэатр
Даступнасць:	Мае патрэбу ў праверцы (удакладненні)
Месцазнаходжанне:	Кобрын
Каардынаты:	52.2110214,24.3457165
Стан:	Патрабуе рэстаўрацыі

Кінатэатр Вясёлка

З двух бакоў на кінатэатры Вясёлка над бакавымі ўваходамі зроблены сграфіта са звыклымі для манументальнага жывапісу сюжэтамі. З аднаго боку намалявана знаёмая кампанія з працоўнага, касманаўта, салдата, маладой жанчыны і пары ў нацыянальным адзенні, мабыць жыхары Палесся, вытворчыя і краязнаўчыя піктаграмы. З іншага - тры музы, таксама апранутыя ў нацыянальнае адзенне.
Унутры кінатэатра за парцьерай хаваецца вялікі роспіс з падрабязным аповедам пра гісторыю краю і сучаснасць. У гістарычнай частцы не абышлося без фігуры Суворава. У беларускай гісторыі расейскі палкаводзец займае мякка кажучы неадназначнае становішча. Недалёка ад горада Кобрына ў верасні 1974 г. войскамі Суворава была разбіта дывізія Серакоўскага з войска Тадэвуша Касцюшкі, пасля чаго Сувораў рушыў на Варшаву. Ва ўзнагароду за ваенныя перамогі Кацярына ІІ уручыла палкаводцу маёнтак Кобрынскі ключ, у склад якога ўваходзіў горад Кобрын.