Точка

Дата стварэння:	1968
Аўтар:	Ціханаў Іван Ціхановіч, Зайцаў Яўген Аляксеевіч
Тэматыка:	Флора і фаўна, Дзеці / Піянеры
Тэхніка:	Мазаіка, Вітраж
Аб'ект:	Кінатэатр
Даступнасць:	Даступна
Месцазнаходжанне:	Мінск
Каардынаты:	53.899519,27.5631014
Стан:	Добра

Кінатэатр "Піянер"

Доўгі час кінатэатр "Піянер" лічыўся самым буйным дзіцячым кінатэатрам у БССР. Пабудаваны па праекце Рыгора Заборскага і Леаніда Левіна кінатэатр адкрыўся ў 1966 г. на вуліцы Энгельса. Будынак - выдатны прыклад архітэктуры ранняга савецкага мадэрнізму з вялікай адкрытай прасторай і суцэльным шкленнем, праз якое бачна ўнутранае фае з мазаікай і зімовым садам.
Першапачаткова планавалася зрабіць дзве кіназалы, але архітэктары змянілі праект, так у будынку з'явіўся лялечны тэатр. Падзел на тэатр і кіно бачны па вітражы на фасадзе: тая частка, дзе намаляваны казачныя героі ставіцца да тэатра, усмешлівы Гагарын - гэта тэрыторыя кіно.
Унутры, у фае кінатэатра "Піянер", знаходзіцца вялікае мазаічнае пано "Шчаслівае дзяцінства", зімовы сад, дэкаратыўная рашотка і басейн. Аўтары мазаікі -мастакі Іван Ціханаў і беларускі класік Яўген Зайцаў, які калісьці вучыўся ў мастацкіх майстэрнях Шагала. На мазаіцы ёсць шчаслівыя дзеці з розных краін і кантынентаў, жывёлы і жаночая фігура, якая нагадвае багіню ўрадлівасці Дэметру.