| Дата стварэння: | 1978 |
| Аўтар: | Самсонаў Уладзімір Аляксеевіч |
| Тэхніка: | Мазаіка |
| Аб'ект: | Дом / Палас культуры |
| Даступнасць: | Даступна |
| Месцазнаходжанне: | Покрашевский сельский Совет |
| Каардынаты: | 53.2084492,27.5976533 |
| Стан: | Здавальняючы |
Мазаіка на Доме культуры ў Замосце
Мазаіка са смальты і керамічнай пліткі знаходзіцца на Доме культуры ў вёсцы Замосце (быв. калгас Чырвоны прамень). Замосце адносіцца да Слуцкага раёна, калісьці тут была арганізавана Беларуская народная рэспубліка, недалёка праходзіла Слуцкае паўстанне супраць новай улады бальшавікоў. Розныя гістарычныя перапетыі адлюстраваны на мазаічным пано: агітацыя за савецкую ўладу, у руках у старога салдата і рэвалюцыянера ў скураной куртцы газета Зорка (першая савецкая газета, якая пачала выходзіць на тэрыторыі Беларусі), працоўныя будні мірнага часу. Асобная частка пано прысвечана адпачынку. Мастак зрабіў пано так, каб захоўваўся даступны агляд з розных кропак. Настрой часу падкрэсліваецца за кошт колеру: чырвоны колер - гэта колер рэвалюцыі і разлітай крыві, жоўта-залатой - колер каласальных палёў, восені і жаўтлявай лістоты. Плошча мазаікі 110 м ².
